Як працуе «Лічбавая Майстэрня»? Як валанцёры робяць задачы і далучыліся да праекта? Чытайце ў інтэрв’ю са Зміцерам Буймістравым, IT-валанцёрам і стваральнікам менавіта таго сайта, з якога вы зараз чытаеце артыкул.
Змест
— Зміцер, раскажы пра свой вопыт у вэб-распрацоўцы. Як даўно ты пачаў займацца вёрсткай і чаму выбраў менавіта фронт-энд?
— Па спецыяльнасці я журналіст і не маю ніякага дачынення да тэхнікі. Я вучыўся ў Магілёве, нейкі час працаваў у магілёўскай прэсе. Потым я пачаў шукаць нешта іншае: працаваў капірайтэрам, кантэнт-менеджэрам.
Калі я працаваў кантэнт-менеджэрам, то са мной разам быў full stack праграмер. Аднойчы ён мне кажа: «Ты што, хочаш да канцы жыцця займацца такімі дробязямі і карткі афармляць?». Я адказаў, што хачу нешта больш цікавае, і ён прапанаваў паспрабаваць вёрстку.
Я запісаўся на курсы HTML Academy, пасля якіх зразумеў, што адной вёрсткай сябе не пракарміць, і я паглыбіўся ў другія тэмы: фронт-энд, стварэнне тэмы для WordPress, работа з Бітрыксам. Чатыры месяца ў мяне заняла вучоба, а астатнія веды атрымаў праз праекты для сяброў. Нарэшце за год-палтара я атрымаў пазіцыю вэб-мастара.
— Распавядзі пра задачу, якую ты зрабіў для праекта?
— Пасля таго, як я пераехаў у Менск, я знайшоў арганізацыю «Фiальта». Аднойчы ў іх групе з’явілася абвестка пра Фаланстара і Лічбаваю майстэрню. Я запоўніў анкету, прайшоў суразмоўе, зразумеў, што там добрыя людзі, і праз некаторы час мне далі ўжо сур’ёзную задачу.
Я працаваў з сайтам Майстэрні. Там ужо была галоўная старонка, але трэба было её пашырыць і дадаць падзелы «Валанцёрам», «Ініцыятывам», «Нашым партнёрам» плюс некаторыя дынамічныя элементы, інтэгрыраваць чат-Тэлеграм. Тэлеграм прапаноўвае ўжыванне розных ботаў, і з дапамогай адкрытага API атрымалася злучыць яго з сайтам.
— Колькі па часу заняла ў цябе вёрстка 3 старонак?
— Часу заняло няшмат. На закрыццё задачы выйшла 2 тыдні, але магчыма было бы хутчэй.
— Што было самае складанае?
— Гэта была вельмі простая задача. Асабліва калі ўлічываць, што галоўная была зроблена, а стылі прапісаны. Сам сайт — гэта аніякі не двіжок, чысты CSS. Па складанасці задача набірае 3 бала з 10. Самае складанае — гэта пачаць працаваць.
— Як ты звычайна арганізуеш свой час для валанцёрскіх праектаў?
— Я знайшоў тэхніку Pomodoro: 23 хвілін працую без перапынку, потым адпачываю 5 хвілін. На кожны чацвёрты цыкл я раблю перапынак 15 хвілін.
Самае галоўнае — не заходзіць у сацыяльныя сеткі і не карыстацца тэлефонам, каб нішто не адцягвала ўвагу. Трэба сябе настроіць, переканаць, што гэта важна. Я звычайна захажу на сайт нерухамасці з дарагімі элітнымі кватэрамі, гляджу на іх і кажу сам сябе: «Калі будзеш добра працаваць, то калі-небудзь ты сабе такі дом купіш». Вось такі спосаб матывацыі ў мяне.
— Што бы ты параіў тым, хто яшчэ не ўзяў задачу ад Лічбавай Майстэрні, бо думае, што ў яго не хапае вопыту ці часу?
— Калі думаеце, што не хопіць часу, то я скажу наступнае: у мяне двое дзяцей і вельмі патрабавальная да ўвагі жонка. Пры гэтым у мяне хапае часу на ўсе. Лічбавая Майстэрня — гэта месца, дзе набіраюцца вопыту. Тут вы можаце атрымаць навыкі, якія будуць карыснымі на рэальных праектах. Ніколі не даведаешся, атрымаецца ці не, пакуль не паспрабуеш. Лаяцца ніхто не будзе, і ніхто не выганіць з прафесіі.
— Дзіма, ці ёсць у цябе самога навыкі вэб-дызайну? Як ты лічыш, навічкам у IT неабходна выбіраць вузкую нішу ці імкнуцца быць універсальным спецыялістам full stack распрацоўкі?
— Я зараз схіляюся да full stack і вывучаю PHP. Нічога не маю супраць дызайну, і я ведаю, што шмат таленавітых верстальшчыкаў ішлі ў бок вэб-дызайну.
Я вырашыў, што буду станавіцца праграмістам. Гэта як іграць у камп’ютэрную гульню, у якой можна выбраць клас персанажа: воін, чараўнік і гэтак далей. Ты можаш думаць, што ты будзеш граць за чараўніка, але потым табе захочацца пабыць воінам ці іншым героем. Мала хто канцэнтруецца адразу на адным. Ты пераспрабуеш многае і знойдзеш сваё рашэнне.
Выбар дня
Топ-3 карысных рэсурса для фронтэндэраў
- Мой любімы адукацыйны рэсурс – Udemy. Тут можна знайсці шмат ролікаў на розныя тэмы ад прастых да складаных. Напрыклад, менавіта тут я атрымаў навык працы з SASS, Bootstrap і EcmaScript 6.
- Для пачатковых фронт-эндэраў я бы параіў сайт Thinkster. Гэта рэсурс з відэазаняткамі, дзе можна даведацца пра AngularJS, React. Ёсць платная, адносна недарагая падпіска. Магчыма займацца і бесплатна.
- Абавязкова падпішыцеся на FreeCodeCamp. Вы будзеце атрымліваць цікавыя лісты, напрыклад, пра бесплатныя анлайн-курсы еўрапейскіх і амерыканскіх універсітэтаў ці артыкулы пра будучыню той ці іншай тэхналёгіі.
ТОП-3 сайта з цікавым дызайнам:
- Viens-La — гэта не лепшы варыянт з пункту гледжання функцыянальнасці, але тое, што ён прывабны — гэта дакладна.
- Сайт Blue Fountain Media падабаецца з-за функцыянальнасці, каляровай схемы і размяшчэння элементаў.
- Сайт кампаніі Soppo. Чамусьці такі дызайн рэдка сустракаецца ў нашай краіне. Мне ён падабаецца, але да яго трэба прызвычайвацца.
Глядзіце дайджэст задач Лічбавай Майстэрні, далучайцеся і пішыце нам на пошту falanster.by @ gmail.com
Класная інтэрвьюшка 🙂 Стаўлю таксама эксперымент і спрабую радзей заходзіць у сац сеткі.