Падрыхтавалі для вас хуткі агляд найбольш важных падзей Лічбавай Майстэрні за лістапад. Тут інтэрвью і новыя артыкулы, а таксама заклікі валанцёрам, пару словаў для ініцыятыў – і пра нашу лаўку, разумова, не забываем.
Паглядзім, чым жыла Майстэрня ў апошні месяц восені.
Блогажыцце
Што было
Некалькі новых артыкулаў убачылі свет – і кожны з іх па-асабістаму цікавы. Адзін з іх – гэта інтэрвью з бізнэс-аналітыкам Святланай, што пракачвала свае веды ў Лічбавай Майстэрне ў праекце па стварэнню сайта Лігі добраахвотнай працы моладзі.
Чаму цікава
Ёсць магчымасць дакладна даведацца, што уяўляе сабой прафесія бізнэс-аналітыка, паразважаць наконт спецыфікі працы такога спецыяліста з некамерцыйнымі арганізацыямі.
Што было
Другі артыкул прысвечаны праблемам безпамылковых тэкстаў на беларускай мове. Дакладна – якім чынам гэтых памылак пазбегчы і якія прылады ў гэтым могуць дапамагчы. Атрымаўся добры такі спіс, ёсць з чаго павыбіраць
Чаму цікава
Бо мы самі троху іх патэсцілі – матэрыялы правераныя:)
Што там з лаўкай?
Гік-лаўка паціху абрастае заказамі, і мы завялі для яе шмат сацсетак. Праглядваць новыя паступленні можна цяпер у ФБ і ВК, ёсць нават інстаграм. Калі ведаеце людзей, якія таксама цікавяцца гікаўскімі рэчамі ручной працы, то кідайце ім падпіску – яна дае зніжку на тавары. А калі забыліся, нашто нам лаўка і які прынцып мы закладалі ў яе – чытайце артыкул пра свабодны кошт.
Заклікі
Што тычыцца валанцёраў – маем сказаць, што поўным ходам праца зараз ідзе над рэканструкцыей сайта Лічбавай Майстэрні. Людзей шмат, натуральны двіж ідзе. Жадаеце таксама паспрабаваць сябе ў каманднай працы над цікавым кейсам перапрацоўкі наша сайта онлайн-маркета валанцёрскага абмену ў прагресівную платформу? Пішыце на falanster.by@gmail.com ці завітвайце на штопанядзелкавыя сустрэчы у 19.00 на базу Фаланстэра.
Таксама мы ў пошуку новых кадраў, якія б дапамаглі нам весці праекты ЛМ. Добры праектны мэнеджэр – гэта аўтаматам эффектыўна зробленая частка вялікай працы, а нам патребен менавіта такі – добры і працавіты. Вось тут можна троху падрабязнее палістаць пра абавязкі ПМ. Калі зацікавіла – пішыце нам на пошту.
Патрэбны ў ЛМ і UX дызайнеры – калі добрыя камунікатыўныя скілы ў вас аб’ядноўваюцца з цеплынеё да лічбавых іннавацый, то мы з задавальненнем прапануем вам праект, што патэнцыйна будзе для вас прывабным.
Ініцыятывам можам сказаць, што усё памятаем – вашы заяўкі заўсёды ў нашых галовах. Калі нешта тэрміновае і прыжымае дедлайн – таксама пішыце.
З павагай, каманда Лічбавай Майстэрні
